Kum tam tak liam ta a tuipui zau taka lawng bo, pil bo tawha ngaih, la pil si lo ang mai ka ni a, lawng khalhtu tana pil bo mai chu that zawk chang tam mahse, siamtu leh a khawvel chhungte vanga dam la chuh hram chauh ang in, an sawi hmangaihna chuan ka nun kawng hi a ti bo a ni.
Chu hmangaihna lipui ah chuan hmangaihna ngaia tui hal in ka awm a, chu hmangaihna thinlung chu ka nunna min vawn sak tu nilo se chuan ka taksa atang hian ka phawrh anga, lei ah paih in amah vanga ka nun chhe ta dawn chung in ka rap hrual ngei bawk ang.
Hmagaihna vanga fam chang ta te chuan hmangaihna in nun a tih nat theih zia an tawrh loh avang in Khuanu hnena lawmthu sawi an ba hial in ka ring a, hringnun ngaihna chang hrelo va an awm tur pawh chu hmangaihna vang chuan thik a, an zinga awm tura kal mai pawh thil chakawm tak a ni si.
Ka tana rem ngailo tur, rem pawh nise a hlimna tura ka kiansan tho tur, Khuanu pawh in, 'ka duh aia tha in ka siam' a tih tur khawpa mawi ka tawn ni zirtawp tlai atanga chhut pawh in kum 5 awrh chauh a liam vang pawh ani mahna, ka hriatna atang hian a tello a hun ka hman paih bo tur pawh ni se, ni khat chauh tal zawng hmu tur pawh in a zawngtu bei a dawng duh khawp ang le.
Valentine's Day zar a, ngaihzawng nei ten thil pek man to tak an dawn thin ai a, ka thian, ka duh tak kianga chhuat nawt leh, a chhungte elhsenna kara hun ka hman thin hlut zawk zia hrethiam phak erawh an tam kher in ka ring lo.
Ni e, kum pawh a liam zel anga, he ka mihring duhthlanna zah zo lo va ka thinlung thawnthu ziah hi, a tawp dan hre turin ka nunna pawh ka Pathian kut ah ka hlan ngei ang.
No comments:
Post a Comment