Just a Dream

JUST A DREAM

It was the day that i remember

When i first saw you right beside my eyes.

You know i’m falling from that day,

I made my promise to love you forever.

You’re the only one who can change,

‘The Heart beat of mine’

Sometimes when you kiss me

And lying in my arms by my side, Darli’n

My whole world become joy and happiness

You’re the only mum for my children honey,

But i cry for knowing this my babe,

It’s a dream, just a crazy dream.

I could do anything for you

To make you happy forever more.

Even when i’m crying, oh no! what a fate!

I still care and live just, only just for you.

You make me cry and make me laugh

I can’t help myself from this pain.

Remember this ‘i love you’

No one will ever love you like i did.

You’re the only person that i wanna see;

Just before i close my eyes for forever.

God must be spent some more time,

For making a person like you.

Sometimes when i think of you

I forgot myself that i still alive with you.

I rather not to wake up from my dreams,

Co’z you promise to love me forever.

Even when i’m gone from this world,

I’ll think of you from Heaven.

Enge Hmangaihna Chu?

Hringnun hi ka phak tawk in ka han dawn ve thin a, mihring mipa leh hmeichhia inkara ‘hmangaihna’ te, chhungkua u leh nau inhmangaihna te ka dawn vel thin, mite angin hriat nei tam in sawitur nei teh chiam lo mah ila, ka phaktawkte a ka ngaihtuah chian chang chuan ‘kan mihring nun hi alo va mak tak em.!’ ti in ka mittui hi a far ve fo thin a ni.

Hmeichhiate ngaihzawn rawn leh duh rawn, an bula awmtura an duh tak chu nilo mahila, ka tette atanga nu leh pa te zirtirna anga hmeichhia kawm hnem tak ka nih avangin hmeichhia hi ka kawm ve ta nual a, mite lerh tih chan chang mahila ‘ka chhungril nun an hriatloh chuan a tawk’ ti in ka in thlamuan ve fo thin. Hmangaihhi nei ni in vawi tamtak ka in hre tawh thin, mahse hunlehni te a lo herliam tam meuh hnu chuan rilru ah an lo thamral leh mai thin, khuahmun lo a awm phei chuan thinlung taka in ngaih veng vengna a awm reng mawh hle. Sakhmel tawnni alo her erawh chuan ‘D’ hluite leh lenrual hluite chu thinlai ah anlo thar leh thin a, kan hmangaih tak ni a kan hriatte pawhkha hmel in tawn leh avang chauha in ngai thar leh kan awm chawk a ni. Mahse hmangaihtu diktak chuan a hmangaih chu hmun hla tak ah awm pawh nise a thinlung chhung ah a kiang ah a awm ve reng thin a, hla phuahthiam ten an lo tih thin angin lung vawikhat a  phut  leh thaw kan hip luh apiang hian an mahni ah chuan chakna thar a pe thei a, beidawnga an awm in beiseina a pe a, lungngaia awm te hlimna leh chakna a pe a, khawvel thlahlel tawhlo te thin lung ah beiseina thar duhawm tak ape leh thin. Hmangaihtu chuan a hmangaih tan chuan engkim tih a huam a, a tuar a, a hlimna tur chuan tih hreh a nei ngailo, a chhan chu a hmangaih chu atana a engkima a engkim a ni. Chutiang khawpa hmangaihna dik leh ril chu kan tunlai khawvel ah hi chuan hmuhtur leh hriattur avang ta hle.

‘Hmeichhe tamtak hmangaihna chu bazara thlaihnah zawrh ang mai a ni a, mipa tamtakte thusawi chu damchhunga mite pawi khawihtu a ni fo thin’ tih a ni ta. Engvang in nge miretheite chan a chhiat tak viau le? Hmangaihtu thinlung hi avahan dawihzep thin tak em! Hmanlai kan pi leh pute erawh kha chuan hmangaihloh nena lendun ai chuan hmangaihte ngei nena bahrakhur laih dun pawh an lo thlahlel zawk thin a, kha hmangaihna ngei mai kha Khuanu minpek ‘hmangaihna’ diktak a nih hi kei chuan ka ring bangthei ngai lo. Nupui pasal in neih hnua hmangaihna piang kan tih te hi chu Pathian tuahrem, Khuanu samsuih ah kei chuan ka chhiar vethei ngai lovang. Mipa leh hmeichhia in hmangaihna tamtak ralleh mai thin erawh kan chhut chian a pawimawh hle, awlsam taka kan neih theih chu hunreilote ah kan hloh leh mai thin a, hunrei tak beiseina nena kan nghah hnua thawhrah erawh hunreizawk a daih thin tih thu hi keiaia pawm nghet tur an awm kher in ka ring lo, lo awmpawh nise kan rindan a in tluktawk tho kala ring fan a ni. Chutih rual chuan ‘Love at first Sight’ tih hi chu a awmthei ang tih ka ring tho bawk, thinlung in a hriatreng chuan a bak a awm chuang lo.

Duhthu leh ngainat thu chu kan sawi fo thei, min tih hlim thu leh kan kianga awmtura kan duhthu pawh kan lo sawifo tawh thei e, chung zawng zawng te chu hunreilote atan a ni thei tih kan hriat erawh a pawimawh hle, ‘Hmangaihna’ erawh hi chu damchhung daihtur anih avangin mitin te hnena zawrh ngawt chu Pathian duhdan pawh kan kalh ang tih a hlauhawm hle a, mi tu emaw kan hmangaih nia kan hria te a nih chuan damchhung daihtur anih ngawt loh chuan sawiloh a him ber a, kan sawilui a nih chuan a hnua keimahni rilru leh thinlung ti hnualtu ah atang ang tih a hlauhawm hle. Unau leh mihringpuite hmangaihna nilo, mipa leh hmeichhia te kara hmangaihna hi zawng, kan duh zawng te hnen apianga kan hlan hi a mawi dawn em ni? nakin hnu ah kan zah khua ti tam tu leh mite rilru tina tu mai an ni ang tih a hlauhawm hle a, rilru diklo leh tawngkam chhia phei chu khawvel ah hian a kual a kual a, tuman an duh loh avangin a chhuahna ah a lut leh thin an tia lawm, tak tak a nih phei chuan kan fimkhur tlan hle a ngai ngei ang.

Hmangaihna kan sawi a, kan sawilai in ‘feel’ viau thin mah ila kan theihnghilh leh nghal mai thin. Enge a chhan? Kan thinlung hian innghahna tak tak tur hian ala tawng lo zawk nge, keimahni hi kan chiang lo zawk. Keichuan ka duhthu hrilh thin mah ila ka hmangaih a ni kher lo a, ka hmangaih thu chiang tak, ka chhia leh tha hriatna nena ka hlan tawh zawng kumtluang in ka nghilhlo mai ni lo in, ka thinlung chhung ril ah hian a chul tawh kher in ka ring lo, ka nun hian awmzia a nei tawh lo a, ka chhia leh tha hriatna te an bo a nih ngawt loh zawng in ka tiam tawh chu he ka lei damchhung zawng hian ka sut mawlh lo ang.

Kan u pakhat, nupui neitawh sawi ka hriat reng thin chu ‘kan dinhmun hi hetiang hi nilo se emaw, mite ang in keimah chiah inngaihtuah ni ila chuan tuna ka nupui nen hian kan innei kher in ka ring lo...’ a ti a, ngaihtuah a ti thui khawp mai. Hmeichhiate leh mipa te hi an in ang vek kher lo tih chu mitamtak ten kan kawppuite bula kan sawi thin a ni, mahse mi tha leh dik tak tak te chuan dinhmun in ang lo atang chuan hlauhthawn an la neitho mai si a nih hi, mipa ten ‘mahni aia hausa nupui neih chu a tir in in thup in fel viau mahse a rei in min hmusit a, an rilru ah fello a awm’, tih thu in kan rilru a tih hnual laiin hmeichhia te pawh in ‘dinhmun inthlau lutuk chu a chan chhe zawk kan ni thin’ tih hi an hre ve reng bawk si a, a buaithlak teh zawng a nih hi.

Tumkhat chu Mizoramin psychiatrist kan neih zinga lar ber pawl Pu Hrekima nen kan in kawmna ah a ni chuan “hmangaihna mai a ni lo, kawng engkim ah mi dawihzep lutuk chuan a chan tur tam tak a chan loh phah a, a hnu ah amah bak a in dem leh chuang lo...” a ti a, he thu hian a sawi kim khawp mai. Ni e, Mipa nih chuan a che hmasa tura ngaih chu kan nia lawm le, hmanlai lalram ropui tak tak te pawh kha hmeichhia avangin an lo buai fo tawh thin a, a pawimawh ber  nita a ka hriat chu tu pawh ni ila, engang hmel leh pianhmang pawh pu in, kan dinhmun in zir chiah lo mahse kan duh leh hmangaih te chu zep miahlo leh an mahni zahtak chung si a kan hriat tir ngei a ngai a ni, hethu kan sawi hma hi chuan engmah hian awmzia a nei tak tak ngailo ang. Kan in nghak tawn anga a tawp ah lengdang tang bela min liamsan hnu in kan rilru a na mai mai dawn, min duh emaw duhlo emaw kan hriattir kha a sualna a awmlo, tute mah hian min hmangaihtu te leh min duh tute chu kan hua in kan ti na tak tak in ka ring lo, hei vang hian a ni mi tamtak in a tawp ah tak tak chuan kan hmangaihte ai in min hmangaihtu hi an hlu zawk an lo tih thin ni. Thu chu i zep chuan pawitih hun i nei ngei ang, mahse i sawi a nih chuan eng dinhmun ah pawh ding mahla, i hunlehni te chu hahdam tak in i thlir liam thei tawh ang, khawvela mitin te rohlu ber hmangaihna i hlan tan chuan ava han hlu dawn tehreng em!.

Hmangaihna hi enge a nih a, engtia lantir tur nge tih leh adang te chu kan damchhung nun atana pawimawh a nih si avang in keimahni duhthlanna ah a in nghat a ni, kan thlansual leh kan vanduai deuh a ni anga, kan thlan fuh leh mi vannei berte zinga mi kan ni mai dawn a ni. What is LOVE? A chhanna chu nangmah ah a in nghat e.

Hmangaihna avanga rilru hrang hrang pu te thu sawi thenkhat te:-

            “I never stop loving you, i just stop showing it, coz i cry a dozen times... i’m tired of trying, sick of crying... yeahh, i’m smiling but inside i’m dying!!”

            “Wish i could run away from this pain, but hurting because of you is great for me”

Manchester United, Road to Glory

Kum 1878 kum kha Football a khawvel rorel thei tur khawp hial a team tha Manchester United lo din kum chu a ni. Hemi kum atang hian khawvel ah he team a khel tawh te reng reng chuan an hming an chher nghal fur a, Liverpool an lo parvul bawk nen, Jersey sen chuan mite ngaihven a hlawh hle a ni.

Kum 1958 khan Bayern Munchen nen Champions League game an khelh dawn in an chuan na Flight chu vanduaithlak tak in a chesual ta hlauh mai a, kha chetsualna rapthlak tak ah khan khatih hunlai a Europe a langsar khawp Player lar 8 zet, kha tih hunlai a an Manager Sir Matt Busby a player tha Busby Babies an tih hial te chu an boral a, kha vanduaina khan khawvel a denchhuah meuh chuan mi tam tak in Manchester United chu indin thar leh thei tawhlo hial tur ah an ngai hman hial a, khatih hunlai a an player tha tamtak leh tuai thar mek thi ta te ngaihtuah kha chuan a awm ve reng a ni.

Kum 1989 a lo her chhuah leh meuh chuan an lungngaihna te kiam tak tak lo mahse hun chuan a lo herliam pui ve zel a, Alex Fergusson chu an beidawn na ata khai chhuak thei tur a ngai in Manager thar atan an lalut ta a. a ni hian hmathar la in player naupang zawk te chu a chher hriam tan ta a.

Kum 1991 a lo thlen chuan a beiseina te tihhlawh tlin in a lo awm tan ta. English Premier League, FA Cup, English League Cup leh Europe a in elna lian te chu an chawi veleh tan ta.. Alex Fergusson hian United chu kumtin in Cup chawi neilo in a awmpui meuh lo a, 1998-1999 atanga 2000-2001 season khan a zawnin League Title a chawipuia, kum 1999-a Treble Champion an nih hnu in English mipui te chuan chawimawi a phu a ni tih hria in Knights nihna an hlan ta a ni. Mite tan hlawh tak tak Player tha a chher chhuah mai bak ah leitur a thlang thiam em em a ni.

David Beckham, Paul Scholes, Ryan Giggs te chawr chhuahna Team hi khawvel a Fans nei ngah ber an ni a. A bik in hmeichhia  leh naupang te tan rawn an hlawh em em a, an dinhmun a chhiat lai ber pawh a tanrual hian hlawhtlinna a thlen thin a ni tih a tak a pholang tu Team hian mite rin ai in belh chian an dawl hle a ni.

Nikum Forbes Magazine in Club hlu a thlan chhuah ah khan an player te en a ropuina um mek Real Madrid khumin Pakhatna an hauh a, Kum thum chhung he Team atang hian Player ten an Player puite a thiam an tih ber an thlan na Proffessional Footballer of the Year chu Cristiano Ronaldo, Ryan Giggs leh Wayne Rooney te hmang in an lo hui tawh a ni.

Mi te hriat hlawhlo Portugues tlangval Sporting Lisbon atanga an lak kha, khawvela Player man to ber ni turin kum 2009 khan Real Madrid hnen ah £80 mtd. in an hralh a, mite maktih khawpa athat vanglai chen tu David Beckham meuh pawh lo chhuah tawh tu chuan Cristiano Ronaldo pawh chu a chhuah veleh ta mai a. Player mal hming, Manchester United Club hming aia lar awm duhlohna Team hian an chhiatpui ngeia ngaih a nih hnu pawhin ropui tak in Season chu an hmang zo leh thei ta a ni.

Tun ah hian American mihausa Malcolm Glazer chuan he Club ropui tak nei tu nihna hi a chelh mek a, Fans ten Star player an beisei tawh chung pawh a a leisak mai loh avang in Club hmasawnna ngaihtuah tu tur Red Knights te chuan an duh thu an auchhuah pui mek a, Red Army in tel khawm te chuan lei tumin vehbur an khawn bawk a ni.

Sir Alex Fergusson an a hruai hnu hian Champions League tum hnih, Fifa Club World Cup, League Title (12), European Super Cup, FA (5) leh League Cup vawi tam tak a lo chawipui tawh a. A Player neih chhun te chu mite rin phak baka tha a hmang tang kai thiam hian Tottenham atanga Club Transfer Fee Record a a lei Dimitar Berbatov erawh a ti fuh teh chiam lo a, 2010-2011 Season a zawh meuh chuan Player man to, hmabak thutak nei si an lei ve ta a ni.

Keini Mizoram atang ringawt pawh a an chakloh a kan lo tuar ve viau lai hian an ni chuan an huang zauh zelin Asia ram ah phei chuan Football Fans ngah ber an ni chiang hle a ni. Korean Superstar Park Ji Sung an han lak luh khan mi tam tak chuan sumdawnna bungrua a ngai in an sel nasa hle a, ni mahse khang hun lai a sawiseltu tam tak te kha tun ah chuan he South Korean Captain hi a awm lo ang tih hlau tu te zing a mi an ni leh ta hlawm a ni.

Game kalphung nei a kum tamtak lo khel tawh Team hi an chhiatber lai pawh in an mahni ah hian ropuina thuruk hi a awm reng a, chu thuruk chu hriat tum in Manager tam tak in Sir Alex Fergusson a hnen atang hian thurawn an la thin a ni. Hun tawp dawn a parvul thin Team hian kum 2007 a Golden Substitution Ole Gunnar Solskjaer an Football a chawlh san hnu atang kha chuan a mah thlak tu an la nei loh avang in manager chuan a player naupang hernandez, welback leh jones te ah beiseina nei chung in hmathlir thutak anei mek ani.

Tun thleng a mi te mak tih Footballa in lehthalna an la sawi chu Kum 1999 Champions League Final Nau Camp a Bayern nen an khelh tum kha a ni. Kha game ah khan Munich kha chak ngei tawh tur a an lan hnu in hun atawp hnu Extra Time minute 4 chhung khan goal 2 khunga lehthal in United chuan Champion lal lukhum an khum ta zawk a, he season ah hian English Team zinga Treble Champion awmchhun Record chu FA Cup, Champions League leh Premier League ah te Champion ni in an lo siam tawh a, heng ah te hian Golden Substitution, Solskjaer chuan hna hautak tak thawkin hun tawp dawn ah a lo khai chhuak thin a ni.

United hian kum 1960 atang daihtawh khan Champions League/European Cup a English Team Champion thei hmasa ber an nih atang khan  Superhouse tih hming an lo pu tawh a. Munich Disaster a an player lar a hun laia European player tha bera an chhal George Best hnua United Legend loni ta Denis Law, Eric Cantona, David Beckham, Ryan Giggs, Cristiano Ronaldo leh Wayne Rooney te chuan he Team hi an lo khaikang in ropuina an lo chan pui zawm ta zel a ni.

           

Manchester ah hian Club dang United tluk tum, tun thlenga la tluk thei lo tu Manchester City an awm bawk a, an ni hian kum 2009 a neitu thar Arab sumdawng hosa in an lei hnu hian sum sen hreh pawh nei hauh lo in an Player duh ang lei nan chuan sum an theh chhuak tan ve mek a, tun hma ngaih tuah chuan hma an sawn in an la thang dawn chauh ni pawh in a lang. United awmna hi Manchester khawpui pawnlam a awm a nih avangin an hmusit ve hle a, an ni pahnih an in khelh dawn hi chuan eng game pawh nise pressure a sang thei hle a ni.

           

Sir Alex Fergusson chuan kum 20 chuang tehmeuh Old Trafford a Manager hna a thawh hnu hian kum 2002 khan a taksa lam harsatna avang in a hna chu chawlhsan a han tum hman thuak a, nimahse a that chhoh leh tak avangin tun thleng hian ala thawk a, tun ah chuan a kum lamin a lo thansan tawh si avangin a chawlh hun pawh a hnai tawh tih chu hai rual ani ta lo. Tun ah hian amah thlak tu tur chu an in rin siak mek a, kum 20 chuang hlawh tlinna lo chanpui tu hian amah thlak tu atan chuan tuna Everton Manager hna chelh mek tu David Moyes chu a ring ber a, mi tam tak chuan ‘The Special One’  in ti Portuguese Manager Jose Mourinho an rin thup lai in Manager langsar deuh hming chu a ri kim deuh vek tawh ani. Nimahse Sir Alex Fergusson-a hna thawh ang hi an tlin ve angem le? tih chu mi tamtak ti buai tu a ni mek a, a ni zel tawh bawk ang.

Manchester United hian Football ah mai ni lo in kawng hrang hrang in hma anla nasa hle a, naupang zawk te leh an thiamna pho chhuak thei lo an hriat ang ang te chu tan pui thin in, Manager Alex Fergusson chuan “naupang te hi an naupan lai atang a, tumruhna, thawhrimna leh beiseina nen a kan enkawl chuan an mahni ah Quality kan siam a, an damchhung nun atan a chhenfakawm tawh thin a ni” a ti. Tun ah hian naupang tam tak hnen ah Football Coaching te, Skill training te, mimal rilru thanna tur te, thiltawn tam zawk an neih theih nan te leh an nun khua atana tha ber tur ngaih tuah pui in Football kal tlang hian tan an la mek zel a ni.

 ”Our goal is to educate, motivate and inspire future generations to build better communities for all.”

“Mite hmuh ah tlawm in te mah ila kei maha beiseina nung, chakna thuruk leh tumruhna awm hian mite beisei ngam loh leh theih loh hial tur khawp ah pawh min hruai thleng in, min la hruai zel bawk dawn a ni”.

“Tumna leh beiseina a awm chhung chuan eng thil ah mah kawng ala tawp lo, tumna ti hlawh tling tur a thawhrimna in a zui chuan eng mawi tak alo chhuak thin”

I THEIHNA ZAWNG ZAWNG IN BEILA, PATHIAN TAN PUINA I HMU ANG. A NI CHUAN THAWK RIM TE LEH AMAH A RINNA NGHAT TU TE CHU A TANPUI THIN.

 

 

 

 

 

Note: He thu hi kum 2011 tawplama ziah a nih avang in tlem danglam a awm ta a, manager pawh David Moyes ni tawh in kum 2013 atang in a ni kaihhruaina hnuai ah hian bul an tan thar ve leh dawn a ni.

Lehkhathawn

“Princess, i bula ka hun hman hlu tak te kha ka tan chuan nunthar min petu ani a, ka thawktawp dawna ka bula awmtura ka duh ber chu rem dawn lo mahla Khuanu demthei kani chuang lo, a remtihna tello a nang ka tawn che avanga hremna ah ka ngai a, nangang hmuthei tura he ka leinun leh ka chhingmit ngei min pek avang hian lawmthu ka hrilh zawk ani. Ka lak ata i bo nana hma la tu i chunnu pawh lawmthu min hrilh sak la, ka hun tawntawh zinga ka hlimna ber, i kianga hun hmang thei tura min puitu anih vang zawk in. Mite anga hausa ka nilo hi pawi ka ti a, i kianga hun hman hlutzia min hriatchian tir tu anih avang in ka lawm tho ani. Ka Hmangaihna che hi a dai ngai dawnlo a, i kiang ah leh i thinlung ah chuan awm ve lo mah ila, hmunhla leh suangtuah phakloh khawpa hla ah awm pawh ni ila nang chu nunna min pe tu ka thinlung ah hian i awm reng thin a ni. Ka hmangaih zia che ka hrilh theihloh thin avang che khan min ngaidam la, mahse engthu mah in an hrilhfiah zawh loh avang in min dem bik suh ang che. Thinlung sak leh luhlul tak hi ikiang ah chuan anem thin a, ka thinrim tuma zawitaka i chala ka ben che avang khan ka nun pum hi a inthiam thei ngai dawn silo, nangnena kan hma hun tur ka suangtuahna zawng zawng te kha atak ram thleng atan ka va han duh tehlul em.

I pasal tur chu khawvela ka mipa awh ber ani dawn si a. Khuanu in rem ati te anih ngai chuan ka hun hnuhnung ah tal hmuh leh che kala beisei fan ani. Nangang tawngleh tur hian min ring lo la, i thinlung hliamtu an awm anih erawh chuan itan englai pawh in ka awm reng thin ang tih hi theihnghilh ngai suh ang che. Min hrereng tur chuan ka beisei ngam lo che a, i rilru a hah chang erawh chuan itana engkim tih huam ka awm avang hian min hrechhuak ve thin tur in ka ngen che ani. Adios My Love”

HRINGNUN

Mihring kan nih chhung hian famkim thei kan ni lova, tu te mai pawh hian famkim loh na kan neih theuh avang hian inpawh tak leh hlim tak a awm reng chu thil theih loh ang mai a harsa a nih vangin inpawh na tha tak neih a, hlim taka awm kan duh si chuan kan mizia/chhungril nun hi kan in hriat tawn a pawi mawh em em in kan tih tur pawh a ni reng a ni.

Mitin te hian kan nun ah hian mize in thup, mite hmuh a kan pho chhuah zen zen loh hi kan nei theuh a, chu kan mizia hre fuh a, kan duhzawng, chak zawng leh ngainat zawng hria apiang te nen chuan kan hlim in kan lungrual em em thin a ni. Nimahsela, khang kan lungrual pui te leh kan hlimpui em em te khan, keimah ni ang bawkin chhungril nun, midang te hriat ve loh, an thiantha te,an hmangaih te leh an chhung te tan chauh a hriat chi ‘nun thuruk’ an nei ve theuh a ni tih hi kan theihnghilh leh thin avang hian, inthianthatna te, inhmangaihna te leh inkungkaihna tha tak kan neih te chu kan ti chhe leh mai thin a, eng vang nge? tih leh enge tih dik loh leh thiam lohna ka neih? ti a mah ni in en let na chang hre lo vin, midang te kan dem leh mai thin a ni.Chutiang reng reng a hringnun hmang kan nih avang chuan keimah ni theuh hi insiamthat kan ngai a, mite tan a pawm theih tur in kan nun hi kan her rem a, a hun leh a hmun a zirin thinram  ve tak tan pawh hetiang renga nun hman chu a tha lo a ni tih hria in, dawhtheihna, zaidamna, inphahhnuai na leh tuar hram  hram na kan neih theuh a pawimawh hle a ni.

Mi thu sawi kan ngaihthlak te hian kan ngaihven zawng leh kan tuina zawng an sawi lo a nih pawhin, a sawi tu in a sawi chhan leh a nih phung hriatfiah pui tum in, kan hriat fiah loh lai ah te zawhna te siam in a thu sawi kha kan ngaihthlak pui in kan hriat pui a ni tih a hriat fiah a, a duh ang taka a rilru damna tur in kan ngaihthlak sak hram hram a ngai a. Chutiang a kan ti thei a nih ngai chuan in pawh na tha tak, nakin hun thleng a kan tana tha thei tur awlsam tak in kan siam thei mai dawn a ni. Mi te chung a rinna kan nghah ngam chuan an ni pawh in kan chung ah rinna an nghat ngam mai thin a ni. Mitha tak tak te hi mi tam tak hian an that avang hian chhawn chhaih a, tul lem lo a fiam mai hi kan ching hlawm hle a,mi dik tak te phei hi chu an mahni an rinawm avang hian bum an awl bik em em a, nimahse kan hriat reng tur erawh chu heng mi tha tak tak te leh dik tak tak te hi kan tih der emaw anih phei chuan an mirin tak te pawh an ring lo ngawih ngawih thin a,an mi rin ni leh tur chuan hun leh ni tam tak a liam a ngai tawh thin a ni. Kan pi pu te chuan, ‘nangmah aiin i hmelma in i that loh na leh fel loh na te a hre chiang zawk’ an lo ti thin a,chumi anih si chuan mi ten kan chanchin a tha lo zawng emaw a an lo sawi a nih pawhin,thiam channa zawng mai lo in kan thatna tura kawng min kawh hmuh tu atan chu min sawichhiatna lai chu hman tum ila, kan hmelma te chu kan tan an tang kai khawp ang le…

Khawvel hi mi chi hrang hrang,mize in ang lo tak tak chenna a ni tih chu sawi thui vak ngai lo vin kan hre theuh awm e. Mi thenkhat te chu mahni a tla hrang chi, thian te leh midang mamawh lo ang tak a awm hrang thin kan ni a, thenkhat te erawh chu thian tha te leh thurual pui tur nei lo a awm thei lo kan ni leh bawk a, a then te erawh chu thian te zing a dang lam bik riau leh duh dan hrang nei te kan ni leh bawk a ni. Chuvangchuan, a eng ber a  chu nge kan nun a tan a tha ber ang tih chu hriat fiah har tak a ni. Pathian hian mihring te hi a huhova awm khawm a, in thlah pung tur leh a tan a nung tura a siam te kan ni a, chuvang chuan mite mamawh lo leh an tel lova awmthei ni awm tak a awm chu thil tha ber a nih i ring em le? Thian thate leh kan bul hnai a awm te enge tun ah hian an rilru put hmang tih ngaihtuah hawt lova, tawngpawng awm ve mawp mawp mai pawh chu a tha ber chuang bik in i ring em le?Thian te kar a dang lam bik a awm reng leh ngaihdan leh duh dan hrang neih reng mai pawh chu a tha ber in i hria em?Kan ngaihtuah chian deuh chu a ngai a ni.

Tunlai in mi tam tak in kan awm na hmun a zirin hmaikawr hran kan vuah chhuak thin, a awm khawp mai, mahse kan khawvel nun tichhe tu leh hrehawmna min thlen tu hi a ni mai lo maw?I thian te emaw i ngainat deuh te bul ah emaw i awmdan leh mihrang deuh te bul a i awm dan te kha a dang ve thin em?han ngaihtuah kir teh, a dang a nih chuan nangmah kha in enfiah i ngai a ni. ‘Engtin nge thian te leh mihrang bul a kan awm dan te chu a in an theih teh lul ang ni? an mizia leh awm dan pawh kan hrechiang bawk si lova’ i ti a ni maithei, mahse midang te rilru hran pu a i kawm a nih ngai chuan an ni pawh in an chung a i tih ang chuan i chung ah an ti ve ang tih hre reng ang che! In pawhna tha in nei ngai lo ang. Chung rilru pute chuan mi rin an hlawh tak tak thei lo va, ring ang in lang mahse in nghah ngam na tak tak atan chuan an relh ru thin.Nimahsela,i rilru tak tak a i kawm pawh khan nangmah kha i in ven leh si loh chuan mi rilru tha lo leh mi dik lo i tawnin an thang ah i in awk mai ang,  kan tunlai khawvel kentel anih miau a vang hian i rilru tak tak a i kawm pawh khan nang mah kha in theihnghilh ngai suh ang che.

He kan dam chhung tawi te hi a tha thei ang ber leh a hlimawm thei ang ber a hman kan tum theuh na khawvel ah hian midang te hre reng chung leh a hun leh a hmun a zir a kan  nun kan her rem thiam a pawimawh em em a,hreh awm tawrh ni leh hlim ni a awm thin a,hrehawm na chu a awm reng bik lo ang bawk in hlimna pawh a kiang leh mai thin a ni tih hi kan hriat reng a ngai a, kan chung a thil thleng te pawh hi kan hma in mi tam tak in an lo paltlang tawh a ni tih hre tel reng chung a in ti paukhauh a, hring nun hi kan hmachhawn a ngai a ni. Mite rin ngam leh, in nghah ngam na ni tur in thu tak a kan nun ngam a ngai a, kan thu tiam leh sawichhuah ah te kan chiang in kan ding nghet ngam tur a ni a,chutih rual in kan thiam loh na ah leh kan dik loh na ah chuan kan tuar ngam in a tul dan ang zel in ngaihdam pawh kan dil mai tur a ni.Thil ho te anga lang tih sual chang pawh in a ranglama  chin fel thuai a ngai a, ‘nakin ah’ kan tih chhung hian midang te chung ah kan hriat si loh hian harsatna tam tak a lo thlen hman tawh thin.Mahni pawh in tih hlim fam kim theih loh na khawvel ah hian mi zawng zawng te hi tih hlim vek theih an ni lo tih hre reng chung in theih tawp a mite tih hlim tum chu kan tih makmawh a ni tho a ni.

Zirlai tam tak te chu mahni tawk a in ti sang ve em em in kan zirna te kan chapo pui thin a, kawng lehlama thlir chuan mi tam tak zir thlen loh kan zir thleng chu  kan lo chapo pui a nih pawh in kan in dem ngawt thei kher lo ang.Mahse mitam tak in kan hma in an lo zir tawh a ni tih kan hriat nawn fo a ngai a, kan zirthiam na te hi chapo pui ni lovin, chhuang tlak in kan thiam na hian a tlin tak tak em? a hming in kan thleng sang ve mai mai nge tih pawh kan ngaih tuah tel ngei a ngai a ni.Thiamna tak tak nei si lova a hming mai a zirsang kan nih a kan lo chapo pui phei chuan mite nuih kan ti za mai mai dawn a, chuvang chuan thiam na tak tak kan neih tel a pawimawh em em a, chu mi thiamna tawng baw tur chuan zirlai kan nih lai hian theih tawp chhuah a, hlawhtlin phu ngei a kan beih a ngai a ni.Eng kim ah hian hlawh tling tur chuan tih tak tak na thinlung pu chung a beih a ngai a,fiamthu thiam ten an tih thin ang in kan theih tawp bak ah tlem belh  a kan beih a ngai a,tuar ngai tam tak a awm bawk a, mi vannei thenkhat te awmdan entawn a kan awm ve ngawt a, kan vanneih ve si loh chuan nakin ah mite hmuhsit leh nuihzat bak chan tur dang kan nei lo.

Khawtlang  nun han thlir ila, kan nitin nun dan theuh hi han en let in, thalai tam zawk te hian, mite tan a chhenfakawm ni lo in mite mit ti kham tu leh mite tana hnawk sak zawng in kan nun tamzawk hi kan hmang tlangpui ti ila kan sawisual tampui awm love. Heng kan nitin nun te pawh hi kan in en let a siam that ngai lai te kan siam that a ngai tak meuh meuh a ni.Kan khawlai te pawh hi kan vawng fai a, a ti fai tu kan ni lo a nih pawh in a ti bawlhhlawh tu chu nih i tum lo hram ang u.’Mi ram chu a thiang hlim a…’ te kan ti thin, mahse an ni chuan an tih fai loh pawh in a ti bal tu a tan chu thil zahthlak tawpkhawk ah an ngai zawk a ni. Keini ve hi kan tih fai loh a hnek in a ti bawlhhlawh tu ah tal kan la tang thin a ni lawm ni? Tuna kan kawt kai vel han thlir te hian, kan tih tawp a kan enkawl tha peih lo a nih zel chuan hnamdang hmuh atan kan la zahpui vat mai lawng maw? Keini in kan enkawl si loh chuan tu dang in nge min enkawl sak teh lul ang ni!.In siamthat chu kan ngai ngei e…

Tunlai thalai te hi eng kan ti nge maw ni, in tih pa kan tum a, mi awm tha duhlo te kan tlangnel tir lutuk na ah hian kan kalsual deuh chu a ni mai lo maw?. ‘Ruihtheih thil tih te chu tunlai dan a lawm, tun ang lai a lo in tih danglam ve vak te chu rual pawl loh na mai mai’ tih hawi zawng in rilru kan put tlat hlawm avang hian, ahmei apa in kan theih ang tawk leh phak bak thleng in thil tha lo leh sual kan khawih ta mai hi a va pawi teh lul em!!! Kan mipa te zing ah tawp tak tak leh nikhua lo tak taka awm a, ruihtheih thil leh thiltha lo te an that loh na hriatsa reng ti lo te chu ‘a pa lo e mai..’ kan ti thin, mahse i han ngaih tuah chiang deuh teh ang u, thil tha lo leh kan nun ti chhe thei tu te, kan nih lohna ang a lan kan tumna lak atang te a inveng a,fihlim thei chu an pa in nakin hnu thleng a an tana tha lo tur do ngam mipa te chu pa kan ti zawk lo ang maw!? Mitin te hian kan nun ah hian hmachhawp kan nei theuh a, chung hmachhawp te tih hlawhtlin tum a harsa tak a bei tang tang tu te chu an va han pa teh lul em, an tuar nasa a sin!!… Mipa te hi a tlang puiin  hmeichhe ho duhdan leh an ngainat zawng a awm kan duhin kan tum hlawm deuh vek a,chuvang chuan hmeichhe ho duh dan leh ngainat zawng hian mipa te khawsak dan hi a ti danglam thei hle a, kan hmeichhia te pawh in chu chu hre reng in, in mipa duhzawng te hi in thlak a, awm tha duh lo, mahni phak tawk ai sang a khawsak tum leh ruihtheih thil ti te hi in hrem deuh si loh chuan, ram leh hnam tan a thil tha tak ti thei si hi, thilsual thlen tir tu lian tak hi in ni mai lo maw?

Thalai te hian kan rilru put hmang leh khaw sak phung te hi kan siam that a hun tawh tak zet a ni. Nulat tlangval kawng ah pawh hman lai zia kan la chhawm emaw tih tur khawp in mipa te pawh hian nupui atana kan duh tak tak loh tur te pawh thian te hnena in tih theih nan kawp kan tum ta zel mai a, kan nula te lah hian ‘ka zahawmna’ tih a hnek in tunlai khawvel dan ti in an lo pawm zam ve thei zel bawk nen,mizo te pawh hi kan tawp ta lua lo maw..? Mipa te pawh hian runlum nuthai atan meuh chuan khang  kawp mai theih te kha kan iai leh thin si a, chuvang chuan hmeichhe ho pawh hi tun ai a in fimkhur deuh chu a ngai a, mipa te hian fa te nu  tur atan chuan midangin an kawp tawh tih hriat te hi chu kan duhlo tlang in, nula thianghlim leh Pathian tih hi kan duhthusam theuh a ni.

Kan nitin nun theuh ah hian hmasawn tur kan ni a, chutiang a tan a nung chu kan ni reng a, kan pian tirh a tang a kan thih ni thleng mai hian zir tur kan nei a ni. Kan ngaihsan em em Sap kan tih mingo ho thufing pakhat chuan,” Mihring kan nih chhung hian in zir reng tur kan ni a, chu mi hre lova zirtur nei tawh lova in hria chu a tar tawh a ni. Kum 18 mi pawh ni se atan khawvel a awm in awm zia a nei tawh lo” a ti. Hlawhtlinna pawh hi tawng baw tur chuan hrehawm tam tak kan tuar a ngai a, nui ngam ve tur chuan, thiante an nuih lai a kan nuih loh a ngai a, mahni duh dan ang ang a awm a vak vel tur pawh in, kan vah loh a kan tuar hmasak a ngai a, duh ang ang ei ngam ve tur pawh in riltam leh mite ei ang ei lo a kan awm phawt a ngai a ni. Mi hlawh tling kan tih tam tak te hi an nun kan hriat chin mai atanga an awm dan kan zir mai chuan keimah ni tan a thil pawi thlen tu an ni thin, mahse, hlawhtling tur a an tuar na te, mite chung a leng tur a an paltlang tawh zawng zawng te kan ngaihtuah hmasak a, chutiang paltlang a hlawhtling ve ngei tura an nun kan zui erawh chuan kan tan a mitang kai tak, an hriat miah loh a zirtirtu tha tak an lo ni zawk dawn a ni.

Mitin te hian kan nitin nun ah hian duhthlan tur kawnghnih kan nei theuh a, kei ni KRISTIAN in ti ve si te hian chumi kawnghnih ah chuan kawng dik lo zawk hi kan hriatchian loh vang te, kan duham vang te leh chhan dang te avangin kan thlang duh hle a,kan tana tha tura kan ngaih pawh hi kan rinna kawng a min dal tu lian tak a lo ni leh thin a, kawng dik chu kan thlan thiam a pawimawh hle a ni. Kan rin PATHIAN hian tihsual a nei ve ngai lo a ni tih hria in amah a kan in nghah ngam a pawimawh hle a, kan nitin nun, kan thiltih na kawng engkim ah hian hriat loh leh hmaih a nei ngai lo a, amah kan rin a a thu kan zawm chuan kawng dik lo zawh in in hre thin mah ila a phen ah malsawmna a awm nge nge thin tih hi kan hriat reng a ngai a ni.Lungngaihna kan tawh pawh in kan pawm thiam a,kan mangan ni chauh ni lo kan hlim ni ah te pawh tih tak zet a a hnen a lawmthu sawi hi kan bat theuh a ni a, hla phuah tu in, ‘ka dil loh zawk malsawmna’ a tih ang deuh in amah kan rin a a thu kan zawm chuan kan tan a tha tur in kan hriat phak bak atang hian ro a rel thin a ni tih hi kan hriat nawn fo a ngai a ni. Biakina Pathian thu kan ngaihthlakna ah te pawh mi fel lo leh dik lo deuh a kan ngaih te pawh hian  thu tha tak tak an sawi thin a,an mahni en a ngaihthlak that duh loh hi kan ching hlawm hle a ni.Mahse an mahni entawn tura kal kan ni lo a, Pathian thu ngaithla tur zawk a inkhawm kan nih hre reng in an thusawi kha Pathian thu tho a ni a,an mahni ah entawn tur awm lo mahse zawm kan tum hram a tha a, kan zawm duh si loh chuan Pathian thu zawm duh lo kan ni tho a ni tih hi kan hriat tel a pawi mawh hle a ni.

Kan hriat reng tur chu kan nitin nun theuh hi tun ai a tha hian kan hmang thei a, kan tih dik loh leh tih sual tawh ah te pawh in siamthat na hun kan la nei a ni tih hria in, kan thiltih tur apiang ngun taka kan ngaih tuah a,tun hun atan mai ni lo kan damchhung atana thathei leh pawithei a ni tih hre reng chunga hringnun hi kan hmachhawn a, mahni ngaihdan leh duh dan ngawt hi a dik ber lo a ni tih hriain  a chang chuan kan tuar anga,a chang in mi te hnuai ah pawh kan kun a ngai bawk tur a ni.

HRINGNUN HMACHHAWN ZEL TURIN I IN PEIH EM ?