KA HMANGAIHNA
Ka ngen lo che ka tanga bei tur in,
Ka dil ngailo i hmangaihna,
Ka sawm lo che turni do an,
Ka beisei lo i ro thil hlu,
Ka duh bil lo i lai natna,
Ka tur lo che lenrual hlat an,
Ka ring phak lo i tirh dar hrui,
Ka huaisen lo phuloh di hai tur in.
Tun ah ka ngen ka rin ngai loh,
kian zai rel an min ngen mahla,
dawn mahse lai ril in tlang rel,
kian tir lul suh ka hmangaihna.
A tling lo'mni i lenrual an?
Kei mah ka tling zo ta si lo.
A nghak ngei ang kumsul khuarei,
an ka nem a i chhawn hun chu.
Chhawn rawh chhawn rawh, tun ah chhawn rawh,
chhawn zai rel rawh ka hmangaihna.
A hlan ngei ang a theihna leh
a neih hlu ber thinlung lam in,
rohlu chung chuang aw i hlim nan.
Nem tir tawh la i thinlai pawh,
nang leh kei hi min hruai ngei ang,
hun leh ni leh ka dil Khuanu'n.
(he poem hi 13th March 2015 zana ka ziah a ni a, mihring te hian thil tam tak hi a tlai hnu ah te, kan laka ta lak bo an nih hnu ah te kan tana an hlutna kan hrefiah chauh mai thin a ni tih ti chiangtu, a tello a awm theia ka in hriat, min kalsan tak tak dawn tak ah chuan, ka thinlunga a hmun luah ka hriat fiah ve tak si tana ka ziah a ni a. nakin hnu ah ala chhiar ve ngei ring in ka dah tha ta a ni - lhx)